„მე ვკითხულობ ფრანგულად“- ივანე ჯავახიშვილის სახელობის ქალაქ თბილისის N53 საჯარო სკოლა

ივანე ჯავახიშვილის სახელობის ქალაქ თბილისის N53 საჯარო სკოლაში ფრანგული ენის სწავლება პირველად განხორციელდა 2022-2023 სასწავლო წელს. მეხუთეკლასელი მოსწავლეებისგან დაკომპლექტებულ ჯგუფში 13 მოსწავლეა, ვინც მეორე უცხო ენად ფრანგული ენის შესწავლა გადაწყვიტა. მათთვის ეს სწავლების პირველი წელია, ამდენად მსურდა ისეთი აქტივობა დამეგეგმა, რაც მოსწავლეთა მოტივაციის ზრდასთან ერთად საკლასო აქტივობების პარალელურად მათთვის კითხვის უნარის განვითარებაში შემიწყობდა ხელს. გადავწყვიტე მოსწავლეები ფრანგულ მედიათეკაში წამეყვანა. ვიზიტმა ბავშვები ძალიან კმაყოფილი დატოვა-მათ დაათვალიერეს ბიბლიოთეკა, გაეცნენ სარგებლობის წესებს, შინ გამოიტანეს ფრანგული წიგნები, ანიმაციის ოთახში თავი მოიწონეს შესწავლილი მასალით 124-ელ უფროსკლასელებთან, მოისმინეს კონკურსის პირობები, რაც მათ შესთავაზეს პატარებს. კონკურსმა მოსწავლეები წაახალისა, მოტივაცია გაიზარდა- კონკურსი იმ ვიდეოს წარდგენით დავიწყეთ, რომელიც ფრანკოფონიის კონკურსში-„მე ვკითხულობ ფრანგულად“ განსაკუთრებული პრიზით დაჯილდოვდა. კითხვის კონკურსის დასასრულს უფროსებმა პატარები სერთიფიკატებით და საფრანგეთის დროშებით დააჯილდოვეს.