საქართველოს ფრანგულმა ინსტიტუტმა და სსიპ ილია ჭავჭავაძის სახელობის ქალაქ თბილისის N23 საჯარო სკოლამ გვაცნობეს, რომ იმართებოდა კონფერენცია ფრანგულენოვანი მოსწავლეებისათვის სახელწოდებით „ფრანგულ-ქართული ურთიერთობის უცნობი ეპიზოდები“. როდესაც მოსწავლეებს ვაცნობე ამის შესახებ, მათ აღნიშნეს, რომ IX კლასის ისტორიის სახელმძღვანელოში წაიკითხეს ინფორმაცია ჟან შარდენისა და საქართველოსთან მისი ურთიერთობის შესახებ. გადავწყვიტეთ გაგვეკეთებინა პროექტი ამ თემაზე, რათა მეტი გაგვეგო ფრანგულ-ქართული ურთიერთობების შესახებ შუა საუკუნეებში. ევროპისკენ მისწრაფება აქტუალურია ჩვენს ქვეყანაში, ამდენად, მნიშვნელოვანია ვასწავლოთ მოსწავლეებს, როდიდან იღებს სათავეს ურთიერთობა ჩვენსა და ევროპას შორის. ასევე საინტერესოა ფრანგი მოგზაურის თვალით დანახული შუა საუკუნეების საქართველო.
Aucun commentaire:
Enregistrer un commentaire